Nilayon ng pag- aaral na ito na matukoy ang mga salitang Gen Z na ginagamit ng mga tagatugong mag - aral sa Sinipsip National High School - Natubleng Extension, matukoy ang resulta o bunga ng paggamit sa mga salitang ito at ano ang implikasyon ng paggamit sa kanilang pakikipag- ugnayan sa kapwa.
Batay sa isinagawang pag- aaral , natuklasan ang mga sumusunod: Ang mga salitang Gen Z na ginagamit ng mga tagatugong mag- aaral ay Jejenese, Bekinese at Salitang balbal. Ang mga bunga o resulta ng paggamit ng mga tagatugon sa mga salitang Gen Z ay may positibo at negatibong resulta . Ang mga positibo ay malayang pagpapahayag , pagkatuto ng ibang salita , nagpapasya sa buhay, tumaas ang tiwala sa sarili at dumami ang mga kaibigan . Ang mga negatibong resulta naman ay pagkakaroon ng hindi pagkakaunawaan at hindi pantay na pagtrato sa mga tagatugon . Ang mga implikasyon ng paggamit ng mga tagatugon sa mga salitang Gen Z sa kanilang pakikipag-ugnayan sa kapwa ay ang pagkakaroon ng malayang komunikasyon , kaalaman sa ibang salita , kasiyahan , tiwala sa sarili, maraming kaibigan, hindi pagkakaunawaan at diskriminasyon.
Batay sa kongklusyon ay iminumungkahi ang mga sumusunod: 1. Ugaliin at sanayin ang sarili sa paggamit ng mga pormal na wika sa pakikipagkomunikasyon sa loob at labas ng paaralan. 2. Bagamat malaya ang mga kabataan sa paggamit ng mga salitang Gen Z sublalit nararapat iakma ang paggamit sa tamang pagkakataon, panahon, lugar, at tao. 3. Pagtibayin ang istriktong implementasyon at palawakin ang paggamit ng mga pormal na wika sa pagtuturo- pagkatuto at komunikasyon sa paaralan sa pamamagitan ng paglulunsad ng buwanang programa sa pasulat at pasalitang gawaing sa bawat asignatura. 4. Magsagawa ng malalimang pag - aaral at seminar ang mga guro upang makabuo o makatuklas ng mga paraan upang malihis ang interes ng mga kabataan sa paggamit ng mga salitang ito at mahikayat gamitin ang mga pormal na wika sa araw-araw na komunikasyon.